Arabako Aldundiak 270.000 euroko laguntzak onartu ditu kultur ondarea babesteko
Arabako Foru Aldundiko gobernu kontseiluak 2026ko diru laguntzen deialdia onetsi du, hiru atal nagusitan banatuta: eraikinak, elementu txikiak, eta baselizak. Guztira, 270.000 euro bidali dira ondare kultura babesteko asmoz.
Eraikinen atalean, 120.000 euro banatu dira, hurrengo jarduketak finantzatzeko: Gaubeako Estulizko gaztelua sendotzeko 60.000 euro, Aguraingo harresiaren plan zuzentzailearen idazketa 40.614,28 euro, eta Badaiako Santa Catalina Monumentu Zentroa zaharberritzeko 19.385,72 euro.
Elementu txikien lerroari dagokionez, 100.000 euro eskainiko dira, Sendadianoko zubia eta presa zaharberritzeko 43.989,79 euro eta Trokonizko errota eta garbitegia finkatzeko 56.010,21 euro onartu direlarik.
Baselizen atalean, 50.000 euro banatu dira, hiru gune esku hartzeko: Bastidako Santa Luzia baseliza urbanizatzeko 26.555,32 euro, Lexartzuko Done Erroman eliza barrutik konpontzeko 16.054 euro, eta Pagoetako San Roke baselizaren proiektua eta zaharberritze lanak 7.390,67 euro.
Gainera, laguntzak norgehiagoka bidez esleitu dira, eta lehentasuna eman zaio ondare balioari eta kontserbazio egoerari.
