Osalanek etxeko langileei zuzendutako informazio-saioa
Gaur, Osalanek etxeko langileei laneko arriskuen prebentzioari buruzko informazioa eman die, Areetan antolatutako saio batean. Eusko Jaurlaritzako Ongizate, Gazteria eta Erronka Demografikoa sailak, Migrazio eta Asilo Euskal Foroak eta Getxoko Udala saioa antolatu dute hauetako hainbat gai jorratzeko.
Saio honetan, Osalanek lan-arrisku nagusiei buruzko informazio praktikoa eta erabilgarria eskaintzeko dibulgazio-fitxak aurkeztu ditu. Fitxa hauek etxeko langileen jarduera arruntean izan ditzaketen arriskuei buruzko xehetasunak eta prebentzio-neurriak ezagutarazteko prestatu dira.
Horrekin batera, Lourdes Íscar Osalaneko zuzendari nagusiak sektore honek jasan duen ikusezintasuna azpimarratu du. Javier Sánchez de la Fuente teknikariak laneko arriskuen prebentzioaren oinarrizko kontzeptuak azaldu ditu, etxeko lanetan ohikoak diren arriskuak eta segurtasun neurriak argituz.
Ekimen honekin, Osalanek lan-baldintzak hobetzeko eta langileen osasuna eta segurtasuna defendatzeko konpromisoa berretsi du, arreta berezia eskainiz informazio-neurriak behar dituzten sektoreei.
Informazio gehiagobete ditzakezu Osalanen webgunean.
