Hurbil udal-taldearekin lankidetzan egingo den programa
Tokiko Gobernu Batzordeak, Gizarte Politiken Sailaren proposamenari jarraikiz, bazterkeria-egoeran dauden pertsonei zuzendutako gizarte eta hezkuntza-programa bat martxan jartzeko kontratua onartu du. Programa horren helburua etxerik gabeko pertsonek izan dezaketen laguntza hobetzea da, eta Hurbil udal-taldearekin elkarlanean garatuko da. Kontratuaren iraupena 279.476,89 euro izango da, urte baterako, eta profesional kopurua bikoiztuko da, gaur egun bi hezitzailek osatzen dituzten taldea bostera igaroz: bi gizarte-hezitzaile, bat gizarte-langile eta bi gizarte-integratzaile.
Programa honetan, Lucho Royero Gizarte Politiken zinegotziak adierazi duenez, profesionalen esku-hartzeak jarrerak eta ohiturak aldatzeko jarraibideak emango dizkiete hartzaileei, eta gizartean autonomiaz moldatzeko tresnak jasoko dituzte. Gainera, funtzio prebentibo bat beteko du, beharrak eta gabeziak identifikatzeko mekanismoak sortuz. Kontratuak uztailaren 13an hasiko du bere martxa.